Շոու-բիզնեսի ամենահայտնի շիկահերն ու օլիմպիական չեմպիոնը նշանակել են իրենց հարսանիքի օրը: Յանայի ծննդյան օրը Պլյուշենկոն որոշեց գնալ այդ քայլին և սիրելիին անել ամուսնության առաջարկ, ինչին բոլորն արդեն մի քանի ամիս էր անհամբեր սպասում էին :
Խնջույքի ամենաթեժ պահին օլիմպիական չեմպիոնը խոնարհվելով Ռուդկովսկայայի առջև , խնդրեց հոբելյարի ձեռքը: " Յանա, ամուսնացի՛ր ինձ հետ " ,- ամբողջ դահլիճով բղավեց Պլյուշենկոն: "09.09.09 – ը մեր ամուսնության օրն է, հիշե՛ք այս ամսաթիվը":
Հարսնացուի համար նորությունն իսկապես անսպասելի էր, այդ պահին խնջույքում Յանայից երջանիկ կին չկար: " Այս պահին ես շատ վաղուց եմ սպասել ,- խոստովանում է նա,- այսուհետև մենք կլինենք անբաժան: Մենք սիրում ենք միմյանց, իսկ հարսանիքը կնշենք երկու քաղաքներում` Մոսկվայում և Պետերբուրգում":
Որպեսզի խուսափեն ավելորդ խոսակցություններից, նշանադրության մատանին մեծ բրիլիանտով Եվգենին Յանային նվիրել է նախորոք, ընտանեկան հանգիստ միջավայրում:
Ծննդյան խնջույքին ամենակարևոր հյուրն իհարկե հայտնի երգիչ Դիմա Բիլանն էր: Նա իր բոլոր գործերը հետաձգելով, եկել էր, որպեսզի Յանային անձամբ հանձնի իր “համեստ” նվերը` Hermes ֆիրմայի շքեղ պայուսակ:
"Յանա, ես շնորհավորում և ցանկանում եմ քեզ այս տարում ավելի շատ հաղթանակներ" ,- անկեղծ սրտով մաղթեց Դիման: "Մենք քեզ հետ միասին ենք, և կարծում եմ, որ մեր համագործակցությունը կշարունակվի շատ ու շատ երկար տարիներ: Մենք շատ անելիքներ ունենք, և՛ "Գրեմմի", և՛ "Օսկար", այնպես որ մյուս տարի պետք է քրտնաջան աշխատենք": Յանա Ռուդկովսկայային եկել էին շնորհավորելու նրա ամենահարազատ ընկերներն ու գործընկերները: Որոնց թվում էին երգչուհի Ժասմինը, "Ֆաբրիկա" խմբի երգչուհի Սաշա Սավալևան, ֆոտոմոդել և հաղորդավարուհի Օկսանա Լավրենտևան, Միտյա Ֆոմինը` "Hi-Fi" խմբից և այլոք: